Міжнародны праект "Навучанне роўнасці: польскія настаўнікі на карысць уключэння гендэрнай асветы ў адукацыйную сістэму Беларусі”
Місія і мэта праекта: a) місія: уключэнне гендэрнай асветы ў беларускую сістэму адукацыі ў межах рэалізацыі Канвенцыі аб ліквідацыі ўсіх формаў дыскрымінацыі ў адносінах да жанчын/Convention on the Elimination of All Forms of Discrimination against Women (CEDAW), прынятай Генеральнай Асамблеяй ААН 18 снежня 1979 года. б) мэта: уключэнне на працягу года элементаў гендэрнай асветы ў адукацыйную сістэму Віцебскай вобласці (Беларусь) праз перадачу і адаптацыю вопыту польскіх настаўнікаў і распрацоўку беларускімі педагогамі ўласных навучальных і выхаваўчых мадэляў, звязаных з праблематыкай гендэрнай роўнасці.
Задачы праекта: - паскарэнне трансфармацыі існуючых стэрэатыпаў жаночых і мужчынскіх роляў дзякуючы папулярызацыі гендэрнай асветы ў педагагічным асяроддзі Віцебскай вобласці на аснове досведу настаўнікаў з Паморскага ваяводства (Польшча); - актывізацыя лідэраў мясцовых супольнасцяў Віцебскай вобласці (у дадзеным выпадку – настаўнікаў) для барацьбы з існуючымі стэрэатыпамі жаночых і мужчынскіх роляў; - распрацоўка беларускімі педагогамі адукацыйных і выхаваўчых мадэляў у выглядзе сцэнароў антыдыскрымінацыйных мерапрыемстваў (звязаных з праблематыкай гендэрнай роўнасці) для выкарыстання падчас вучэбнага працэсу, на выхаваўчых гадзінах, у пазакласнай дзейнасці і на бацькоўскіх сходах; - павышэнне кваліфікацыі беларускіх настаўнікаў у галіне гендэрнай роўнасці, каб набытыя веды і навыкі можна было выкарыстаць пры рабоце ў школьным асяроддзі (на ўроках з вучнямі, на занятках для педагогаў, на бацькоўскіх сходах і г. д.); - змяншэнне ўплыву стэрэатыпаў жаночай і мужчынскай роляў шляхам распрацоўкі і распаўсюджвання ў электроннай версіі рэкамендацый для педагогаў па пытаннях гендэрнай роўнасці; - спрыянне гендэрнай карэктнасці школьных праграм, падручнікаў і іншых навучальных дапаможнікаў праз распрацоўку рэкамендацый для работнікаў Міністэрства адукацыі Рэспублікі Беларусь.
Працягласць праекта: 12 месяцаў у перыяд 2008 – 2009 гадоў.
Месцы рэалізацыі праекта: Паморскае ваяводства (Польшча) і Віцебская вобласць (Беларусь).
Выканаўцы: Адукацыйнае таварыства "Wiedza Powszechna” (г. Гданьск, Польшча) і Віцебскі жаночы клуб (г. Віцебск, Беларусь).
|